कर्णाली प्रदेशका अस्पतालमा विशेषज्ञ चिकित्सक अभावको विषय सदनमा उठ्यो

1k Shares

काठमाडौं । कर्णाली प्रदेशका विभिन्न अस्पतालमा विशेषज्ञ चिकित्सकको अभाव रहेको विषय प्रतिनिधिसभामा उठाइएको छ।

प्रतिनिधिसभाको बैठकमा सांसदहरूले कर्णालीका अस्पतालमा आवश्यक संख्यामा विशेषज्ञ चिकित्सक नहुँदा नागरिकले गुणस्तरीय स्वास्थ्य सेवा लिन समस्या भइरहेको बताएका हुन्। दुर्गम तथा ग्रामीण क्षेत्रका नागरिक उपचारका लागि अन्य प्रदेश तथा ठूला सहरका अस्पतालमा जानुपर्ने बाध्यता रहेको भन्दै सरकारले यसतर्फ तत्काल ध्यान दिनुपर्ने माग गरिएको छ।

कर्णालीका सरकारी अस्पतालमा विशेषज्ञ चिकित्सकको दरबन्दी भए पनि चिकित्सकको उपलब्धता र नियमित सेवामा समस्या रहेको विषय पनि उठाइएको छ। चिकित्सक अभावका कारण उपचार सेवा प्रभावित हुनुका साथै सामान्य स्वास्थ्य समस्याका लागि समेत बिरामीले लामो दूरी तय गर्नुपर्ने अवस्था रहेको सांसदहरूको भनाइ छ।

सांसदहरूले कर्णालीका अस्पतालमा विशेषज्ञ चिकित्सकको व्यवस्था, आवश्यक जनशक्ति व्यवस्थापन तथा स्वास्थ्य सेवा प्रभावकारी बनाउन सरकारसँग माग गरेका छन्। साथै दुर्गम क्षेत्रमा चिकित्सकलाई टिकाइराख्न आवश्यक सुविधा र प्रोत्साहनको व्यवस्था गर्नुपर्नेमा पनि जोड दिइएको छ।

सम्बन्धित समाचार