पर्यटन प्रवर्द्धनका लागि ‘भिजिट नेपाल २०८५’ अभियान घोषणा

1.3k Shares

काठमाडौं । सरकारले सन् २०२८ लाई लक्षित गर्दै ‘भिजिट नेपाल २०८५’ अभियान मनाउने घोषणा गरेको छ। नेपालमा पर्यटन प्रवर्द्धन, विदेशी पर्यटक भित्र्याउने तथा पर्यटन क्षेत्रलाई आर्थिक विकासको मुख्य आधार बनाउने उद्देश्यसहित यो अभियान अघि सारिएको हो।

सरकारका अनुसार आगामी वर्षहरूमा पर्यटन पूर्वाधार विस्तार, अन्तर्राष्ट्रिय प्रचारप्रसार, नयाँ पर्यटकीय गन्तव्यको विकास तथा सेवा गुणस्तर सुधारलाई प्राथमिकता दिइनेछ। ‘भिजिट नेपाल २०८५’ लाई राष्ट्रिय अभियानका रूपमा सञ्चालन गर्दै सरकारी तथा निजी क्षेत्रबीच सहकार्य गरिने बताइएको छ।

नेपाल प्राकृतिक सौन्दर्य, हिमाल, धार्मिक तथा सांस्कृतिक सम्पदाले विश्वमै परिचित रहेको भन्दै सरकारले पर्यटन क्षेत्रलाई पुनः चलायमान बनाउन दीर्घकालीन योजना अघि बढाएको जनाएको छ। कोरोना महामारीपछि सुस्ताएको पर्यटन व्यवसायलाई पुनर्जीवित गर्न पनि यो अभियान महत्वपूर्ण मानिएको छ।

पर्यटन व्यवसायीहरूले अभियान सफल बनाउन अन्तर्राष्ट्रिय उडान विस्तार, सडक तथा हवाई पूर्वाधार सुधार, पर्यटक सुरक्षाको प्रत्याभूति र डिजिटल प्रचारलाई प्रभावकारी बनाउनुपर्ने बताएका छन्। सरकारले निजी क्षेत्रसँगको सहकार्यमा विभिन्न अन्तर्राष्ट्रिय कार्यक्रम, प्रवर्द्धनात्मक गतिविधि र सांस्कृतिक उत्सव सञ्चालन गर्ने तयारी गरिरहेको छ।

सम्बन्धित समाचार