काठमाडौँ । प्रधानन्यायाधीश नियुक्ति प्रक्रियाप्रति असन्तुष्टि जनाउँदै सर्वोच्च अदालतकी न्यायाधीश सपना प्रधान मल्ल २० दिनका लागि बिदामा बसेकी छन्।
न्याय परिषद्मार्फत अघि बढाइएको प्रधानन्यायाधीश नियुक्ति प्रक्रिया पारदर्शी र सहमतिमा आधारित नभएको भन्दै उनले असन्तुष्टि व्यक्त गर्दै बिदा लिएको न्यायालय स्रोतले जनाएको छ। मल्लले प्रक्रियागत स्पष्टता र संस्थागत मर्यादामा प्रश्न उठाउँदै आफ्नो धारणा औपचारिक रूपमा राखेकी थिइन्।
उक्त बिदाका कारण उनले तोकिएका इजलासहरूमा सहभागिता जनाउने छैनन्। प्रधानन्यायाधीश नियुक्ति प्रक्रियालाई लिएर न्यायालयभित्रै फरक–फरक मत देखिन थालेको सन्दर्भमा मल्लको बिदालाई अर्थपूर्ण रूपमा हेरिएको छ।
यस विषयमा न्याय परिषद् वा सर्वोच्च अदालत प्रशासनबाट औपचारिक प्रतिक्रिया भने आइसकेको छैन।