स्थायी भवन निर्माणतर्फ जानकी गाउँपालिका, एक बिघा १० कट्ठा जमिन प्राप्त

911 Shares

कैलाली । जानकी गाउँपालिकालाई एक बिघा १० कट्ठा जग्गा दान गरिएको छ।गाउँपालिकाको स्थायी प्रशासनिक भवन निर्माणका लागि स्थानीय एक दाताले उक्त परिमाणको जग्गा निःशुल्क उपलब्ध गराएका हुन्।

स्थापना भएको करिब एक दशकपछि पनि आफ्नै भवन नहुँदा भाडाको संरचनाबाट सेवा दिँदै आएको गाउँपालिकाका लागि यो दान महत्वपूर्ण मानिएको छ।

गाउँपालिका अध्यक्षका अनुसार दानमा प्राप्त जग्गामा प्रशासनिक भवनसँगै सेवा प्रवाहलाई सहज बनाउने अन्य संरचना निर्माण गर्ने योजना बनाइएको छ। यसले स्थानीय तहको सेवा प्रभावकारी बनाउनुका साथै दीर्घकालीन खर्च पनि घटाउने विश्वास लिइएको छ।

स्थानीयवासीहरूले सार्वजनिक हितका लागि गरिएको यो दान उदाहरणीय भएको प्रतिक्रिया दिएका छन्। गाउँपालिकाले दाताप्रति आभार व्यक्त गर्दै भवन निर्माण प्रक्रिया छिट्टै अगाडि बढाइने जनाएको छ।

 
 
सम्बन्धित समाचार