प्रधानमन्त्री बालेन्द्र शाह प्रतिनिधिसभामा जवाफ दिएपछि बैठक कक्षबाट बाहिरिए

1.4k Shares

काठमाडौँ । प्रधानमन्त्री बालेन्द्र शाह (बालेन) आइतबार प्रतिनिधिसभा बैठकमा सांसदहरूले उठाएका प्रश्नहरूको जवाफ दिएपछि सिधै बैठक कक्षबाट बाहिरिएका छन्।

प्रधानमन्त्री शाह आफैँले समय माग गरी संसदमा उपस्थित भएर सांसदहरूका जिज्ञासाको जवाफ दिएका थिए। उनले विभिन्न समसामयिक विषयहरूमा सरकारको धारणा राख्दै प्रश्नहरूको उत्तर दिएका थिए।

जवाफ सकिएलगत्तै प्रधानमन्त्री शाह कुनै अतिरिक्त छलफल वा संवाद नगरी बैठक कक्षबाट बाहिरिएको संसद स्रोतले जनाएको छ। प्रधानमन्त्रीको यस्तो व्यवहारलाई लिएर संसदीय वृत्तमा विभिन्न टिप्पणीहरू समेत सुरु भएका छन्।

आइतबारको बैठकमा प्रधानमन्त्रीको उपस्थिति र जवाफलाई विपक्षी दलहरूले नियमावलीको प्रक्रियासम्बन्धी प्रश्न उठाएर विवादित बनाएका थिए। त्यसैबीच प्रधानमन्त्रीले आफ्ना धारणा राखेपछि बैठक छोटो समयमै समापन भएको थियो।

संसदमा प्रधानमन्त्रीको यो उपस्थितिलाई केहीले औपचारिक जवाफदेहिता अभ्यासका रूपमा लिएका छन् भने केहीले यसलाई असामान्य संसदीय शैलीका रूपमा टिप्पणी गरेका छन्।

 
 
सम्बन्धित समाचार